|
|
دردشة عراقية دردشة العراق دردشة عراقنا دردشة لحظة امل
أشعار منوعة
قفشة لحبيبتي الفاو مدينة المدن
قفشة بقلمي المتواضع
ــــــــــــــــــــــــــــــــــــــــــــــــــــــــــ
انـا مــثل النــخل ارفــع بهامــاي .......
ـــــــــــــــــــــــــــــــــــــــــــــــــــــــــــ
يحكلي افــخر لأن الــفــاو اصلي .......
sad flute
(ذكريات على كرسي الشلل)
صادفتني اجمل فتاة رأيتها في حياتي..
ولكني,لم استطع التغزل بها,,,وبطولها
ليس لأني لا اجيد الغزل....
بل لأنها كانت مقعده..على كرسي الشلل..
فكتبت القصيده عن لسان حالها..تحت عنوان
(ذكريات على كرسي الشلل)
من حضن امي.. كبل للكرسي اجيت
ما سمعت ال (فدوه لله) ويمشي كام
___________________________
اتكسرن خطواتي واحساسي بصباي
الكاع صخره..وجانت الخطوات جام
___________________________
وسجلوني بصف الاول..واستحيت
الروح احسها تفرفح من اسمع قياام
ــــــــــــــــــــــــــــــــــــــــــــــــــــــــــــــ
وابجي كل رفعة علم يوم الخميس
فشله اكعد..والعلم بالساحه كام
ـــــــــــــــــــــــــــــــــــــــــــــــــــــــــــــ
بالمرايا امنيتي اشوفن طولي يوم
سنين اباوع طولي بفراشي من انام
ـــــــــــــــــــــــــــــــــــــــــــــــــــــــــــــ
وأملوني..اباجر واصبر بقيت
وباجر أتأخر.....واجن عشرين عام
ـــــــــــــــــــــــــــــــــــــــــــــــــــــــــــــ
كبرنه....والايام تمشي ,,وما مشيت
وانه والكرسي عشت قصة غرام
ـــــــــــــــــــــــــــــــــــــــــــــــــــــــــــــ
وجانت دموعي ..بثكل حسرات ابوي
لو حضر خطبة بنات من العمام
ـــــــــــــــــــــــــــــــــــــــــــــــــــــــــــــ
الدمعه سوده من الحزن عالخد تطيح
المادره بحزني يضن بخدودي شام
ـــــــــــــــــــــــــــــــــــــــــــــــــــــــــــــ
ياهو يرضه بطير مكسور الجناح؟؟؟
والسمه كبال ايده غصت بالحمام
ـــــــــــــــــــــــــــــــــــــــــــــــــــــــــــــ
جفوف اديه استهلكت من الدعاء
وضلت لهذا الوكت رجليه خام
ـــــــــــــــــــــــــــــــــــــــــــــــــــــــــــــ
ربي..كعد حظي حتى اكدر اكوم
ربي بس كطرة ضوه لحلك الظلام
ـــــــــــــــــــــــــــــــــــــــــــــــــــــــــــــ
وافرح ابدلة عرس مثل البنات
صارت الحسرات بضلوعي ازدحام
ـــــــــــــــــــــــــــــــــــــــــــــــــــــــــــــ
خطوه وحده...امنيتي امشي..بأي طريق
حتى لو للمكبره لوادي السلام
ـــــــــــــــــــــــــــــــــــــــــــــــــــــــــــــ
واحسد المشايا راحوا للحسين
وابجي عالحسين مدري عله الجدام..
ـــــــــــــــــــــــــــــــــــــــــــــــــــــــــــــ
.
للشاعر سيف الحلفي
| |
